Një burrë në Kaliforni është dëmshpërblyer me 21 milionë dollarë pasi ka kaluar 40 vite të jetës së tij në burg gabimisht.
Craig Coley, i dënuar gabimisht për vrasjen në 1978 të së dashurës së tij 24-vjeçare dhe të djalit të gruas 4 vjeç, është liruar në 2017, pasi hetimet zbuluan pafajësinë e tij, falë mbi të gjitha të testit të ADN-së.
Dëmshpërblimi ju dha Coley nga qyteti i Simi Valley, jo shumë larg nga Los Angeles.
Burrit, që sot është 71 vjeç, i janë derdhur menjëherë në llogari 4,9 milion dollarë, ndërsa pjesa tjetër do të vijë nga sigurimet dhe nga fonde të tjera.
