Bayern Mynih nuk ndalet në serinë e rezultateve pozitive që e kanë bërë, të paktën për 24 orë, të jetë në kuotë të barabartë pikësh me kryesuesit e Borussia Dortmund. Bie në Allianz Arena edhe Hertha Berlin, që dorëzohet përpara golit të Javi Martinez.
Një fitore mjaft e rëndësishme për skuadrën e Niko Kovacit, që shton presionin mbi Dortmund, që duhet të rikuperojë ndeshjen e javës së 23 të Bundesligës kundër Bayer Leverkusen. Bavarezët të bllokuar gjatë gjithë ndeshjes nga Hertha kanë zgjidhur gjithcka në minutën e 62 kur Martinez shfrytëzoi në mënyrën më të mirë goditjen e këndit të James Rodriguez.
https://cdnja.r.worldssl.net/mp4/mw/mwPj.mp4
Pas golit, ndeshja nuk pati më histori, sepse gjërat u komplikuan edhe më shumë për berlinezët kur Karim Rekik u ndëshkua me karton të kuq, në minutën e 84-të të ndeshjes, pas një ndërhyrje ndaj Robert Lewandowskit.
Schalke 04 sic duket kishte konsumuar gjithcka në Champions përballë Manchester City në atë 2-3 rokambolesk, sepse në transfertën e Mainz ata janë dorëzuar pa kushte 3-0. Me të njëjtin rezultat Wolsfburg është imponuar në transfertën e Mönchengladbach, ndërsa rezultatin më të thellë e ka fiksuar Freiburg që i dha një shuplakë klasike Augsburg.
Germany - Bundesliga
Mainz 05 3 - 0 Schalke 04
Borussia Mönchengladbach 0 - 3 Wolfsburg
FC Bayern München 1 - 0 Hertha BSC
Freiburg 5 - 1 Augsburg
