Karl Lagerfeld ndërroi jetë para dy ditesh. Trupi i tij do të digjet dhe hiri i tij mësohet se do të bashkohet me ato të mamasë së tij dhe ish-partnerit të tij, që ndërroi jetë nga SIDA në 1989.
“Dëshirat e tij do të respektohen. Nuk do të ketë asnjë ceremoni.”- ka thënë përfaqësuesja e Chanel ditën e sotme. Stilisti ka qenë në një lidhje për 18 vjet me Jacques De Bascher, një figurë e njohur në botën e festave të Parisit në 1970. De Bascher njihej për zakonet e tij të këqija si alkooli dhe droga. Pavarësisht se kanë qenë për 2 dekada bashkë, Lagerfeld ka deklaruar se asnjëherë nuk ka fjetur me të.
