Disa qytete në Siberi, në rajonin Kuzbas, ku jetojnë 2.6 milion banorë janë mbuluar nga dëbora e zezë. Ky fenomen vjen si pasojë e fabrikave të përpunimit të qymyrgurit të cilat kanë ndotur ambjentin duke bërë që oborret dhe rrugët të mbuluara me dëborë, të zënë shtresë të zezë me pluhur të qymyrgurit.
Drejtuesi i një prej fabrikave të qymyrgurit në rajon tha se shkak i kësaj situate është bërë mosfunksionimi i një prej mburojave që parandalon daljen e pluhurit të qymyrgurit nga fabrika. Ndërsa ambjentalistët në rajon janë shprehur se kjo situatë ndodh shpesh në vend por del më në pah kur bie dëborë.
“Gjatë pjesës tjetër të vitit nuk mund ta kuptiosh një gjë të tillë, por pluhuri i qymyrgurit është shpesh i pranishëm" - janë shprehur ata. Ndotja e ajrit është shqetësues për banorët e këtij rajoni dhe përpjkjet e autoriteteve për ta shmangur këtë kanë munguar bëhet e ditur përmes një raporti. Madje në dhjetor të vitit 2018, autoritetet rajonale u akuzuan se janë përpjkur ta fshehin këtë pluhur helmues ashtu sikurse e kanë cilësuar ata, duke hedhur bojë të bardhë sipër dëborës, shkruan “The Moscow Time”.
