Ambasadori i BE-së në Tiranë Luigi Soreca, ka dalë nga mbledhja në selinë e PD-së duke u shprehur se është treguar i qartë me Bashën sa i takon vendimit për djegien e mandateve të deputetëve të opozitës.
Shkurtimisht për median ai tha se BE nuk e pranon dorëheqjen e të gjithë opozitës nga mandatet e tyre politike.
Sa i takon protestës së nesërme para parlamentit, ai tha se pret që të mos ketë dhunë gjatë tubimit.
"Fola me secilin dhe është mjaft e rëndësishme për të ndarë këto pozicione. BE ka qenë mjaft e qartë, i kemi shpjeguar liderit të PD dhe pozicionin tonë. Është e rëndësishme për të folur dhe diskutuar. Nesër është një ditë e rëndësishme, presim që të mos jetë e dhunshme, procesi demokratik duhet të prevalojë", u shpreh Soreca.
