28 vite pas rrëzimit të bustit të diktatorit Enver Hoxha, Lulzim Basha bën një paralelizëm mes regjimit komunist dhe qeverisjes së Edi Ramës.
Sipas Bashës, vendi sot është përballë një regjimi antidemokratik, oligarkik dhe i ardhur në pushtet nga blerja e votave përmes krimit. Kryedemokrati shkruan se ky regjim po zhbën ëndrrën e shqiptarëve të 28 viteve më parë: "Shqipëria si gjithë Europa"!
"Ndonëse nuk kemi shtatore për të rrëzuar, çdo ditë për ne është 20 shkurt, derisa të shembim sistemin që e mban Shqipërinë peng të krimit dhe korrupsionit duke varfëruar dhe shtypur përditë shqiptarët. Qëllimi ynë është t’i japim atyre një qeveri të njerëzve, për njerëzit dhe nga njerëzit. Vetëm kështu do ecim të sigurt drejt Europës." - shkruan në Facebook Basha.
