Janë ndezur tonet në studion e emisionit “Opinion” në Tv Klan ku ishte i ftuar kreu i deputetëve socialistë Taulant Balla. Duke folur për protestën e 16 shkurtit, deputeti socialist kujtoi edhe atë të 21 janarit. Balla tha se “në atë protestë u vranë 4 vetë” ndërsa Fevziut që i kujtoi deklaratat e bëra në studion e tij iu drejtua me fjalët “e di sa i drejtë ka qenë ai emision që keni bërë dhe pamjet që keni transmetuar”.
Kaq ka mjaftuar që Fevziu të reagojë ashpër: “Gënjen! Gënjen! Gënjen! Në atë emision nuk janë transmetuar pamje”. Fevziu ka kërkuar të futen reklamat ndërsa u duk që debati me Ballën vijonte.
Pas reklamave Fevziu tha se ishte i gatshëm ta transmetonte të plotë emisionin e bërë për 21 janarin, për të cilin kishte pasur reagime kur e kishte ritransmetuar në 2016-ën. Më pas Fevziu ka transmetuar pjesë nga emisioni i bërë në 21 janar.
“Ku ka ndonjë pasaktësi në këtë mes. Ku ishte inkoherenca?” – tha ai. Balla e anashkaloi duke u shprehur: “Ky televizion nuk ka qenë i drejtë me ngjarjen në atë kohë” – tha ai, por Fevziu këmbënguli se emisioni i tij ka trajtuar ngjarjen të plotë. ©LAPSI.al
[video width="640" height="360" mp4="https://cdnimpuls.com/lapsi.al/wp-content/uploads/2019/02/asdsdssssss.mp4"][/video]
