Njoftimet nga Partia Demokratike po vërshojnë me efektin e ortekut. PD ka njoftuar se do të mbledhë sot kryesinë për djegien e mandateve në orën 18:00, ndërsa ditën e nesërme do të mblidhet Këshilli Kombëtar i PD-së në orën 17:00 . Po të shohesh dinamikën e ngjarjeve, Basha të dielën shpalli djegien e mandateve, të hënën pati një përshkallëzim të rrufeshëm: grupi parlamentar e miratoi propozimin, pas takimit me aleatët edhe ata iu bashkuan atij dhe më në fund LSI tha po, duke pasur një firo, vetëm Lefter Kokën.
Tani duket sikur Lulzim Basha deri pasditen e së nesërmes do ta mbyllë të gjithë procedurën teknike. Dhe arsyet për këtë mund të jenë dy: Ose ai parashikon që mandatet t'i djegë edhe simbolikisht gjatë protestës së dhunshme që do të mbahet para parlamentit të enjten, duke i ndezur gjakrat e militantëve me këtë akt simbolik; ose ai po nxiton që të shfrytëzojë efektin surprizë që ka ndaj kundërshtarëve politikë, që mos i lejojë Ramës kohën e domosdoshme për blerjen e opozitarëve që janë në listat e opozitës.
©Lapsi.al
