Që prej orës 18:00 Partia Demokratike vijon mbledhjen e Kryesisë, ku temë diskutimi është vijimi i aksionit opozitar tani që PD vendosi djegien e mandateve. Ende nuk dihet nëse është marrë ndonjë vendim apo jo, ndërkohë që fjalën e fundit për cështjen e mandateve do ta thotë Këshilli Kombëtar i PD-së.
Lulzim Basha një ditë më parë u shpreh se do të thërriste mbledhjen e Këshillit Kombëtar. Djegia e mandateve do të kalojë përmes një procedure individuale të deputetëve, sikundër e parashikon ligji.
Faktori ndërkombëtar deri më tani është rreshtuar kundër opozitës. Megjithatë pritet të shohim se si do të rrjedhin zhvillimet në ditët e ardhshme. Opozita duket e vendosur për të mos hequr dorë nga kërkesa e saj për 'qeveri tranzitore'. PD do të protestojë sërish ditën e enjte para Kuvendit.
