Sikur të mos mjaftojë humbja e marrë në Old Trafford në ndeshjen e parë në raundin e 16 më të mirëve në Champions League, Manchester United rrezikon të bëjë edhe pa dy lojtarë të rëndësishëm, kur ti kthejë vizitën Paris Saint Germain.
"Mendoj se do të qendrojnë jashtë 2-3 javë". Ole Gunnar Solskjaer ka vënë theksin tek dëmtimet e Anthony Martial e Jesse Ligard, të dy të dalë parakohe në sfidën kundër kampionëve të Francës. Dy krahët e sulmit të Djajve të Kuq do të humbasin gjithashtu edhe ndeshjet me Chelsea e Liverpool.
Shpresa e vetme e menaxherit norvegjez është ti ketë në dispozicion dy lojtarët për në 6 mars, në sfidën e kthimit kundër Psg. Vetëm se do të jetë e vështirë, duke qenë se koha shtrëngon dhe pas dëmtimit, Lingard e Martial mund të mos jenë në formën më të mirë, për më tepër që anglezët kanë dy gola për të rikuperuar.
