Manchester United ka publikuar një llogari relative për tre mujorin e dytë të 2018/19, duke zbuluar edhe sa ka paguar për daljen e mirë të José Mourinho, për shkarkimin në 18 dhjetor. Portugezi ka përfituar 19,6 milionë stërlina (22,3 milionë euro) për ndërprerjen e parakohshme të kontratës prej 17 milionë euro në vit, që do të përfundonte në 2020: një shkarkim i paguar rëndë.
E nëse për Red Devils ishte një goditje e rëndë, në krahasim me atë që pagoi për shkarkimin e Van Gaal në 2016 (8,4 milionë stërlina), për Special One nuk është aspak një gjë e re. Pas shkarkimit të parë nga Chelsea, në 2007, përfitoi 23,1 milionë stërlina që, bashkë me 8,3 milionë stërlinat e fituara pas largimit të dytë në 2015, e cojnë shumën totale të rrëmbyer nga Blutë në rreth 35,6 milionë euro.
Duke llogaritur më pas të gjitha shkarkimet e portugezit në ishull, bëhet e qartë se sa herë që klubet janë të pakënaqur me teknikun, e kanë bërë më të pasur Mourinho. Pa punë, por me një llogari bankare të shtuar me gati 60 milionë euro.
