Tek Inter është kaos total dhe nuk bëhet fjalë vetëm për heqjen e Mauro Icardi si kapiten i skuadrës. Një pëlqim i thjeshtë bërë nga Marcelo Brozovic pikërisht mbi lajmet e publikuara në lidhje me zëvendësimin e argjentinasit në hierarki nga Samir Handanovic, ka treguar përcarjen brenda dhomave të zhveshjes. Situata me shumë mundësi është e padurueshme për të gjithë zikaltrit, që duket se janë ndarë në klane.
Pëlqim i bërë gabim? Nuk duket kështu, Marcelo Brozovic ka vendosur vazhdimisht "më pëlqen" në Instagram për postimet që flisnin për heqjen e papritur të shiritit të kapitenit Icardi, për tia dorëzuar Handanovic.
