Nuk është shifër e shkruar gabim. Pikërisht 40 milionë spektatorë kanë ndjekur në Kinë ndeshjen e La Liga mes Villarreal e Espanyol në transmetim direkt në tv. Numër për rekord, e krahasueshme vetëm me ato të regjistruara në finalen e një Botërori. E gjithë merita është e Wu Lei, sulmuesit kinez 27 vjecar, i blerë në ditët e fundit të janarit nga Espanyol, që e mori nga Shangai SIPG.
Bashkëkombasit e tij mezi prisnin të shihnin debutimin në tokën spanjolle të sulmuesit dhe janë fiksuar përpara Tv në një shifër të frikshme: 40 milionë telespektatorë. Një emocion i shkurtër, duke qenë se Wu Lei është aktivizuar vetëm në fund të ndeshjes (përfunduar me rezultatin 2-2) për rreth 12 minuta. Edhe në prezantimin e sulmuesit, në ditët e kaluara, ka qenë një event i vërtetë për klubin katalanas, që ka njohur një rritje të jashtëzakonshme të ndjekësve në faqet zyrtare të skuadrës në rrjetet sociale.
