Moment i vështirë për Psg që, përpara sfidës së Champions League kundër Manchester United, nuk është në pozita të mira. Konfliktit të Rabiot e dëmtimit të Neymar, i është shtuar edhe Marco Verratti, protagonist i një misteri të vërtetë përsa i përket dëmtimit. "Nuk është një dëmtim i njëjtë me atë të mëparshmin - ka shpjeguar Tuchel -. Ka patur tjetër problema, por tani nuk e dimë se cfarë ka. Nuk e di nëse do të arrijë të rikuperohet për United".
Në mes të janarit regjisti i parisienëve doli nga fusha me barelë, për shkak të një dëmtimi në kavilje, që rezultoi më i lehtë se parashikohej, me një shembje pa pësuar lesione. Kundër Villafranche në Kupën e ligës franceze, Verratti nuk luajti. Nuk bëhj fjalë për një turnover të thjeshtë, si u mendua nga të gjithë, por shqetësim që vetë tekniku Tuchel e la të kuptohej: "Problemi i tij është ndryshe sot, ka patur një problem në stërvitje. Tjetër gjë në krahasim me kaviljen, por nuk dimë asgjë".
Një mister që nuk shpjegon të ardhmen e afërt të mesfushorit italian: "Nëse do të luajë ndeshjen e ardhshme kundër Bordeaux të shtunën? Duhet të pres deri nesër apo pasnesër për të parë nëse mund të luajë. Problemi është se nëse luan kundër Girondini, nuk do të jetë në formën më të mirë për ndeshjen kundër Manchester United". Ndërkohë gati është Leandro Paredes, që pasi 120 minutave në Kupë, mund të jetë protagonist edhe në Champions kundër të besuarve të Solskjaer.
