Matteo Bocelli, djali i tenorit të madh Andrea Bocelli, ka performuar duetin “Fall on Me”, së bashku me babanë e tij në skenën e madhe të festivalit Sanremo. Kështu e ka ngritur siparin festivali Sanremo këtë vit.
I lindur në vitin 1997, 21-vjeçari Bocelli studioi në Konservatorin Luigi Boccherini në Lucca dhe më pas filloi karrierën e tij muzikore.
Kjo nuk është hera e parë që Matteo dhe Andrea këndojnë së bashku.
Babë e bir kanë performuar edhe në Madison Square Garden në New Jork.
Në një intervistë për “Corriere della Sera”, Matteo ka deklaruar se është një fans i madh i babait të tij dhe po ashtu ai ka pranuar me sinqeritetin e plotë se të qenurit i biri i të madhit Andrea Bocelli i ka mundësuar lehtësira të mëdha në karrierën e tij.
21-vjeçari ka mahnitur publikun italian jo vetëm me zërin, por edhe fizikun, pasi djaloshi është gjithashtu edhe model.
Andrea i ka dhënë të birit xhaketën e lëkurës me të cilën ka performuar vetë në 1994-ën si një ogur i mirë për karrierën e tij.
