Venezuela do të jetë e gatshme për të zmbrapsur një sulm ushtarak sa herë që të jetë e nevojshme, tha zv.presidentja Delice Rodriguez. Ky reagim vjen si kundërpërgjigje ndaj Presidentit Donald Trump, i cili tha se një ndërhyrje ushtarake është “një opsion” në Venezuelë.
Duke folur për mediat ruse të dielën, Rodriguez tha se Venezuela e konsideron vërejtjen e Trump si “të papranueshëm”. Nëse një sulm do të ngrihet mbi sovranitetin e vendit, ushtria dhe njerëzit e saj janë plotësisht të përgatitur për t’u hakmarrë, theksoi ajo, duke e quajtur çështjen e pavarësisë së vendit të panegociueshme.
“Sovraniteti nuk diskutohet, mbrohet", theksoi ajo. Rodriquez shtoi se populli i Venezuelës “do të jetë në gatishmëri” për të mbrojtur kufijtë e vendit dhe nuk do të lejojë asnjë ndërhyrje të huaj, “pavarësisht nga vjen.”
Ne jemi gjithmonë të gatshëm për të shmangur një sulm. Rodriguez nuk ka specifikuar nëse Karakas kishte ndërmarrë ndonjë hap shtesë për të përgatitur vendin për një sulm potencial ushtarak, siç është përforcimi i kufirit, duke vënë në dukje se të gjitha këto pyetje duhet t’i drejtohen Kolumbisë, një aleat i SHBA në rajon, "e cila po e bën këtë."
