Demi Lovato ka çaktivizuar llogarinë në ‘Twitter’ pak orë pasi postoi një status ku tregonte që ka qeshur shumë me meme-t për arrestimin e reperit 21 Savage. 26-vjeçarja ka marrë shumë mesazhe negative për këtë fakt duke u detyruar ta mbyllë llogarinë e saj për disa ditë. Reperi i njohur është arrestuar sepse i ka skaduar viza e qëndrimit dhe ka shkelur rregullin. Megjithëse Lovato reagoi duke shpjeguar gjithçka me një postim pak minuta më vonë, asgjë nuk u qetësua. Duke marrë parasysh ndikimin që kanë pasur më herët komentet negative tek këngëtarja, më e mira që mund të bëjë është çaktivizimi i llogarisë personale.
