Liderin e grupit Maroon 5, Adam Levine e kryqëzuan për shkak se kërceu shëmtuar dhe hoqi bluzen në skenë.
Por pasi performoi në evenimentin sportiv më të madh të vitit, Adam gjeti kohë për t’ju shkruar dhe dedikuar disa fjalë personave që e urrejnë atë dhe që në njëfarë mënyre bënë të mundur pjesëmarrjen e tij në Super Bowl.
Në llogarinë e tij në Instagram ai postoi dy foto të shkrepura gjatë performancës dhe në krah të tyre shprehu gëzimin e madh që preku nga afër skenën gjigande.
“Kur ne pranuam përgjegjësinë për të performuar tek SBHTS, unë nxora stilolapsin dhe vetëm shkruajta. Disa nga fjalët që më erdhën të shkruaj në atë moment gjetën vend tek balonat e mrekullueshme me drita që u ngjitën në qiell dhe zbritën gjatë mbrëmjes. Ne falënderojmë universin për këtë mundësi historike për të luajtur në evenimentin më të madh botëror. Dhe ne falënderojmë kritikët tanë që gjithmonë na shtyjnë për të vepruar më mirë! Një dashuri!”- shkruan ndër të tjera Adam Levine.
Mandej ai liston disa fjalë si: “fal, qesh, ndaj, jetoj, luftoj shpreh, etj”, të cilat për hir të së vërtetës duket se nuk kanë ndonjë domethënie të madhe!
