Pas i bëri të gjithë për vete në një fillim sezoni fantastik, Maurizio Sarri tani është në rolin e të akuzuarit, për humbjen shkatërrimtare 4-0 kundër Bournemouth. Tekniku italian, përpara ndeshjes së Premier League kundër Huddersfield ka pranuar se po kalon vështirësi të paparashikuara, por përsëriti vullnetin e tij për të "ndryshuar mentalitetin" e Chelsea e nuk ka kursyer në këtë pikë edhe Antonio Conte: "Kjo skuadër ishte mësuar të luante, e fitonte, me një tjetër modul, duke nisur me kundërsulm - ka thënë në konferencë shtypi - Jam një ëndërrimtar e dua që lojtarët e mi të luajnë sipas vizionit tim, me zotërim topi dhe duke kontrolluar ndeshjen".
'Sarri-ball' pësoi një zhgënjim të madh pas 5 humbjeve në 12 daljet e fundit dhe tani tekniku ka përfunduar në qendër të kritikave, i kontestuar edhe nga tifozët e Blues: "Situata në Premier është e qartë: janë tre skuadra superiore, sepse kanë projektuar dhe patur durim, duke mbajtur të njëjtët menaxherë në vitet e fundit. Në sezonin e parë Liverpool i Klopp e mbylli në vendin e tetë. E dija se do të kishte vështirësi dhe i kuptoj tifozët, por në këtë moment duhet të kenë durim".
Në fund edhe një batutë për Hazard ("Për të nuk është e lehtë, por po përmirësohet. Ishte mësuar të luante në një mënyrë individuale, tani duhet të punojë për skuadrën") e një për Higuain: "Duket që nuk është në formë, mes dëmtimit në shpinë dhe merkatos nuk është stërvitur mirë. Duhet të gjejë kondicionin më të mirë".
