Fotografohet për herë të parë bashkë që nga shtatori i vitit 2016-të, ish-çifti Brad Pitt dhe Angelina Jolie. Revista australiane “Who” publikoi dy foto të dyshes, ndërsa hedh dyshimet se po përpiqen që të rikthehen sërish bashkë.
Por në të vërtetë takimi është bërë në një zyrë ligjore më 30 janar, në Beverly Hills.
Ata kanë qenë bashkë në një takim prej tri orësh, në të cilin mendohet se kanë diskutuar kujdestarinë e gjashtë fëmijëve. Në takim ishin edhe përfaqësuesit ligjorë të të dyve.
Mediat e huaja shkruajnë se dy aktorët takohen dy herë në javë, në mënyrë që të diskutojnë të gjitha detajet lidhur me kujdestarinë e fëmijëve.
“Ata kanë pasur takime të tjera, nuk është hera e parë. Kjo është pjesë e procesit të tyre për t’i bërë gjërat të funksionojnë, lidhur me fëmijët dhe divorcin”, tha një burim për “Us Weekly”.
Një burim tregoi se takimet kryhen në mënyrë që ndarja e gjërave të vijë në mënyrë më paqësore.
Angelina dhe Brad kanë 6 fëmijë: Maddox, 17 vjeç, Pax, 15 vjeç, Shiloh, 12 vjeçe, Zahara, 14 vjeçe dhe binjakët Knox dhe Vivienne, 10 vjeç.
