Në 10-minutëshin e pushimit, ish-kryeministri Sali Berisha ka folur sërish për kunjën e kryeministrit Edi Rama hedhur drejt tij se nuk mund të kalojë dot oqeanin dhe të shkojë në SHBA.
Pyetjes së gazetarëve nëse i është refuzuar viza amerikane Berisha iu përgjigj:
"Jo kurrë. Në mënyrë absolute kurrë. Është një trillim fund e krye. Por unë udhëtoj shumë rrallë." - u shpreh Berisha i cili komentoi edhe investimin e Zërit të Amerikës për blerjen e votave dhe bashkëpunimin e zyrtarëve të PS me emra të botës së krimit dhe reagimin e Ramës.
"Zoti Rama është në përpëlitje sepse po demaskohet çdo ditë e më shumë. E vetmja fije shprese e tij është se po skadojnë transaksionet me trojet shqiptare.
Zgjedhje me Edi Ramën nuk ka. Opozita do e parandalojë sepse zgjedhje me Edi Ramën nuk ka. Rrëzimi i Edi Ramës. Kjo përpjekje e opozitës nuk është të vijë në pushtet me forcë pro të vijë në pushtet me votë." - u shpreh Berisha.
