Të fitosh është e vetmja gjë që ka rëndësi. E për ta bërë duhet provuar cdo gjë. Emiratet e Bashkuara Arabe nuk po e pranojnë dot faktin që u eleminuan nga Kupa e Azisë që po mirëpresin, aq më tepër nga rivalët e Qatar. E kështu kanë bërë denoncimin formal në federatën kontinentale për grumbullime të parregullta kombëtare.
Nën akuzë kanë përfunduar dy futbollistë të Katarit që kanë lindur jashtë kufijve të shtetit. I pari është Almoez Ali, lindur në Sudan 22 vjet më parë e tjetri Bassam Al Raëi, 21 vjecari iraken. I pari ka patur edhe eksperienca të shkurtra në futbollin europian, fillimisht në Austria me Laska Linz e pastaj në Spanjë me Leonesa. Nga 2016 luan në Al-Duhail, por ka bërë rrugën nëpër gjithë ekipet e moshave të Katar. Histori e ngjashme edhe për Al Raëi. Rregullorja e FIFA flet qartë: “një lojtar që ndryshon kombëtare duhet të konfirmojë që një nga prindërit ose gjyshërit ka lindur në atë shtet”. Kusht që sic duket nuk është respektuar në këtë rast.
Sipas spanjolles As, denoncimi ende nuk ka marrë një përgjigje. Trajneri i Katar, spanjolli Felix Sanchez nuk ka dashur ti japë peshë cështjes dhe ka komunikuar menjë shprehje klasike “Jemi të përqendruar vetëm tek finalja”. Por nëse Katar gjendet fajtor, mund të kompromentohet i gjithë kompeticioni. Të gjitha skuadrat e eleminuara nga Katar, në këtë rast, do të kishin dicka për të reklamuar.
