Prokuroria për Krime të Rënda nis hetimet pas publikimit të përgjimeve në Zërin e Amerikës.
Në njoftimin shpërndarë mediave, prokuroria njofton se është duke kryer hetimeve dhe për veprën penale “Zbulimi i akteve ose i të dhënave sekrete”, në lidhje me faktet e nxjerrjes së sekretit hetimor në lidhje me publikimin e disa akteve të përgjimeve të çështjes penale në fjalë, publikimi i të cilave po bëhet në kundërshtim me ligjin.
“Në këtë kuadër po bëhet verifikimi i të gjithë personave që kanë patur njohje dhe akses në aktet e bëra publike në hetim dhe gjykim.” - thuhet në njoftimin e prokurorisë.
Zëri i Amerikës publikoi një ditë më parë një tjetër pjesë të “dosjes 339” ku tregohet qartë blerja e votave në zgjedhjet parlamentare të qershorit 2017. Nga përgjimet del se kreu i Bashkisë së, Durrësit Vangjush Dako kishte marrëdhënie të afërta me grupin e Avdulajve, të akuzuar për trafik droge, e madje konsumonte dreka.
Vërtetohet se si Rilindja dhe bandat kanë manipuluar zgjedhjet
