Lazio ka goditur në ditën e fundit të merkatos duke sjellë në kryeqytet Romulo nga Genoa, në kohën kur bardhekaltrit trumpetonin se nuk do të bënin asnjë lëvizje. Drejtori Sportiv i Lazio Igli Tare ka folur për blerjen në fundin e merkatos të italo-brazilianit që vjen nga Genoa, duke sqaruar edhe motivin.
"Ka mbërritur Romulo, e kjo lëvizje ishte e paparashikuar, por në 10 ditët e fundit kemi vuajtur dëmtimet e Patric e Marusic që nuk na dhanë sigurinë se mund të vazhdonim me qetësi finalen e sezonit. Për këtë kemi vendosur të marrim një lojtar që mund të na japë një dorë - vazhdoi Tare -. Mendoj se kam bërë zgjedhjen e duhur, Romulo e njeh mirë kampionatin italian e do të ambjentohet shpejt me Lazio".
