Ariana Grande para pak orësh na tregoi të gjithëve se ka rregulluar tatuazhin e saj të cilin këtë të martë e kishte bërë gabim.
Për disa që e kanë humbur si informacion, ylli i muzikës ditë më parë postoi në rrjetet sociale një foto në të cilën shfaqte pëllëmbën e dorës së saj, ku kishte bërë një tatuazh që në japonisht do të thotë “zgarë barbekjuje”.
Sipas këngëtares aty shkruhej “7 unaza”, që është titulli i këngës së saj më të fundit.
Por jo! Tatuazhi ishte një gabim dhe një dështim i vogël!
Kanë qenë fansat e këngëtares nga Japonia që fillimisht e informuan atë se tatuazhi ishte shkruar keq!
Kaq ka mjaftuar që Ariana, të fillojë të dyshojë dhe ta marrë seriozisht!
Aq seriozisht saqë e ka korrigjuar tatuazhin!
Në Instagram ajo ka postuar tatuazhin e ribërë!
Duke qenë se është një zonë mjaft delikate dhe e dhimbshme, Ariana ka përdorur mpirës lokalë.
Por kësaj radhe para se ta publikojë e ka konfirmuar mirë e mirë domethënien e shkronjave duke pyetur mësuesen e saj.
Në një nga fotot e postuara në Instastory zbulon se ka në mendje një tjetër plan, teksa i falenderon ndjekësit për korrektësinë dhe për ndihmesën.
“U prefsh në paqe, unë të pëlqeja vërtet!” – shkruan Ariana duke iu referuar tatuazhit që pati gabim.
