Kechi Okwuchi është një 28-vjeçare, e cila mbijetoi pasi avioni me të cilin po udhëtonte u përplas, kur ajo ishte 16-vjeçe.
Si pasojë e përplasjes së avionit, 207 nga 209 pasagjerë të avionit humbën jetën. Kechi ishte nxënësja e vetme që mbijetoi nga 60 nxënësit e tjerë të klasës së saj që ndodheshin në avion.
Ajo mbijetoi, por përfundoi me djegie të shkallës së tretë, më shumë se 65 për qind e trupit të saj ishte djegur dhe mjekët nuk i dhanë shumë shanse jete.
Por, ajo mbijetoi dhe tashmë konkurron në America’s Got Talent.
Në puntatën e radhës, ajo këndoi “You Are the Reason”, të Calum Scott dhe preku zemrat e të gjithëve në sallë, dhe jo vetëm.
Edhe pse nuk e priste, Kechi mori një “Golden Buzzer” dhe vërtetoi edhe një herë që është një mbijetuese, këngëtare e zonja dhe një kampione e jetës.
