Prej më shumë se 4 orësh, policia vijon ndjekjen për arrestimin e 25 vjeçarit Kristo Ruçi, i cili grabiti bankën në Tepelenë një ditë më parë. Burimet bëjnë me dije se policia nuk do të largohet nga fshati Mamaj pa e kapur atë.
Por drejtuesit e operacionit kanë vetëm një frikë, se mos i riu qëllon me armë ndaj policisë. Plagosja apo ndonjë viktimë e mundshme në radhët e oficerëve do të ishte fatale, prandaj operacioni është i ngadaltë. Burimet thone gjithashtu se grabitësi u lokalizua që mbrëmjen e djeshme, por policia e mbante të rrethuar dhe nën vëzhgim, duke shmangur ndërhyrjen gjatë natës pikërisht nga frika se mos ai qëllonte me armë.
Kristo Ruci akuzohet si autor i grabitjes së filialit të një banke të nivelit të dytë. Policia po vijon ndjekjen e grabitësit me maskë, i cili vodhi një sasi parash që ndodheshin në arkën e bankës pasditen e së hënës (28 janar).
Personi i maskuar u fut në filialin e bankës rreth orës 15:10 minuta dhe nën kërcënimin e armës mori paratë. Autori me veshje ushtarake dyshohet se ka qene nen vëzhgim të bankës gjatë gjithë ditës. Mësohet se pas grabitjes së parave, ai u larguar me një makinë që po e priste jashtë ndërtesës së bankës.
