E mbani mend atë djalin beratas që hiqej si piktor dhe e kryqëzuan se gënjeu Bieta Sulon dhe Rudina Magjistarin? Edlir Reka nuk bëri asgjë më shumë se krijoi për veten lajme të reme që të shfaqej si një piktor i madh me famë ndërkombëtarese. Në fakt asgjë më shumë sesa ajo që një tjetër fqinj me të, nga Ura Vajgurore, Erion Veliaj e bën rëndom. Ai ka dhënë sot shembullin e fundit të një estrade pa mbarim.
Ai ndodhej në Vienë për një konferencë ndërkombëtare, ku u takua edhe me homologun e tij, kryebashkiakun e Vienës, Michael Ludwig. Sipas të gjitha mediave njëzëri, Ludwig e vlerësoi kryebashkiakun Veliaj dhe tha: “Tirana duhet të jetë krenare që ka një kryetar kaq të
ri dhe energjik".
E PABESUESHMJA/Virtuozi nga Berati që u tall me dy TV më të mëdha në vend
Ashtu si Bieta me Rudinën në emisionet e pasdites, edhe mediat që e botuan këtë lajm nuk kishin asnjë gazetar në Austri që të verifikonin vërtetësinë e asaj që ndodhi, ashtu si ato që i besuan Edlirit edhe këto media i besuan komunikatave që lëshon zyra e Erionit. Por ato shkuan edhe më tej: E botuan lajmin e paverifikuar me të njëjtin titull identik që u është servirur nga bashkia. Shikoni fotot më poshtë dhe shijoni estradën e një tjetër virtuozi nga qarku i Beratit.
©Lapsi.al
