Prezantimi në Kupën e Shqipërisë, në atë ndeshjen e humbur kundër Tiranës, ishte ai i një skuadre të dorëzuar në mëshirën e fatit e të problemeve. Por katër ditë më pas, Flamurtari tregoi krejt tjetër gjë dhe në një fushë shumë më të vështirë, kundër një skuadre që synon në mos titullin kampion, e sigurtë zonën Europiane të renditjes.
E pikërisht transformimi në Niko Dovana ndaj Teutës, në emergjencë të plotë organike dhe taktike ka bërë të paparashikueshëm formacionin e Ilir Dajës. Ishte e vështirë dhe shumë madje, që tekniku të përshtaste në kohë rekord lojën e favorizuar për shtatlartësinë e Busic, me topa të ulët për një dyshe sulmuese të pa dëgjuar Torassa-Kale.
Askush nuk është qendërsulmues prej tyre, por dy mbështetës të thërritur të bëjnë violinën e parë. Sakrifikuan dhe e bënë të gjithë, edhe me 10 lojtarë, pas daljes me karton të kuq të Veliut, duke shfaqur një karakeristikë që në Vlorë pothuaj e kishin harruar.
Në mardhëniet e ngrira me klubin asgjë ska ndryshuar, zgjidhja e konfliktit nuk ka ardhur, por kuqezinjtë bënë të kundërtën e asaj që bënë në Kupe.. edhe pa Busic e Siljanovskin, ndaj Kukësi tashmë nuk di cilën fytyrë të vlonjatëve do të shohë.
