Kryetarja e Autoritetit të Dosjeve, Gentiana Sula deklaroi se mes 1500 personaliteteve në vend 30 janë me probleme.
“Në 1500 personalitete rreth 30 janë gjetur me probleme në sektorë shumë të rëndësishëm” – u shpreh Sula.
Ajo iu përgjigj interesit të medias lidhur me padinë e ngritur nga prokurori Bujar Sheshi, i vënë së fundi nën akuzë si ish bashkëpunëtor i Sigurimit të Shtetit.
“Punën e kemi të pandikuar nga çdo gjë që ndodh. I shërbejmë vetëm ligjit", u shpreh Sula. Kryetarja e autoritetit të dosjeve apeloi publikun e mediat se mund të ndjekin rastet hap pas hapi.
Anëtari i KLP-së, Bujar Sheshi kallëzoi sot Autoritetin e Dosjeve në Prokurori për “falsifikim të dokumenteve”. Në kallëzimin e tij përmendet emri i Gentiana Sulës me detyrë Kryetare e Autoritetit për Informimin mbi Dokumentet e Ish-Sigurimit të Shtetit (AIDSSH) si dhe çdo anëtari tjeter të këtij instutucioni që ka bashkëpunuar me të.
Një ditë më parë Autoriteti i Dosjeve e klasifikoi si bashkëpunëtor dhe anëtar, në dokumentat e sigurimit të shtetit, ndërsa thuhet se edhe dorëzimi i dokumente rezultonte me probleme.
