Një blerës në një qendër tregtare kishte vënë re se një Mercedes kishte parkuar te zona e përcaktuar për njerëzit me nevoja të veçanta. Por veç kësaj, Mercedesi se ç’kishte diçka që nuk e bindte.
Kur u afrua, vuri re që ishte në fakt një Renault Megane kabrioletë e vitit 2008, dhe i zoti e kishte maskuar si Mercedes duke i vënë një skarë Benzi , logon e Mercedesit e madje edhe te fenerët kishte ngjitur diçka që dukeshin si drita LED.
Fotot u përhapën në internet, duke shkaktuar shumë të qeshura. Renault Megane kabrioletë e vitit 2008 shkon rreth 1500 sterlina në Britani, ku ndodhi ngjarja, ndërsa Mercedesët si modeli që u përpoq të hiqet ky “Frankestein” i makinave shkon rreth 15 mijë sterlina.
