Mundësinë për tu shkëputur më shumë në krye të renditjes së Serie A, Juventus nuk është nga ato që e con dëm. Në ndeshjen e fundit të javës së 21 në Olimpico, Lazio ishte e mirë, por jo mjaftueshëm për të ndaluar furinë e bardhezinjve dhe zgjedhjet e panumërta të Max Allegrit në pankinë. Portugezët e Juventus kanë përmbysur autogolin e Emre Can për tu shkëputur +11 nga Napoli i vendit të dytë.
Bardhekaltrit kanë luajtur një pjesë të parë superiore, duke shkuar pranë golit në disa raste, por vetëm një autogol i pafat i Can hapi ndeshjen, duke dhënë iluzionin se kampionët në fuqi mund të pësonin humbjen e parë në kampionat për këtë sezon.
https://www.televizioni.tv/upload/videos/2019/01/7GE12vSuyztUxtC7XNyH_27_905196195d25a4e08c0036a293f15681_video_720p_converted.mp4
Kaq shërbeu që Juventus të shkundej e Allegri të ndryshonte kartat me Cancelo në lojë. Portugezi nuk ka rast më të mirë për tu kthyer i pari në hierarkti dhe në minutën e 73-të barazoi duke ndjekur mirë aksionin. Vetëm se për të fituar duhej më shumë se kaq. Më saktë duhej një penallti, që e fiton po vetë Cancelo, duke i dhënë mundësinë Ronaldos të shënonte nga pika e bardhë, golin deciziv. CR7 e kishte humbur penalltinë përballë Sorentinos, por Strakosha këtë herë nuk bëri dot mrekullinë, duke dorëzuar fitoren 19 për bardhezinjtë.
https://www.televizioni.tv/upload/videos/2019/01/rskvRJVxZn3OQJvA9fId_27_50545aa5f5650d394d0a4a6117065e5f_video_720p_converted.mp4
Me këtë fitore Juventus arrin në kuotën e 59 pikëve, 11 më shumë se Napoli në vendin e dytë, duke bërë kështu një hap të madh drejt titullit të tetë radhazi.
