Ekzaktësisht si në një film me spiunazh, edhe pse merkato e futbollit - mes sekreteve e informacioneve të rezervuara - një ide të tillë të jep. Sipas asaj që bën të ditur "Il Tempo", Fabio Paratici ka harruar në tavolinën e një restoranti milanez një listë me objektiva të merkatos së Juventus. Një fletë, që është publikuar menjëherë, ku lexohen emrat e Zaniolo, Milinkovic-Savic, Chiesa, Romero, Tonali e jo vetëm. E gjitha kjo me shifra të sakta, të shtuara në krah të cdo emri.
Fleta në fakt duket shumë interesante, duke qenë se në listën Juventus janë Zaniolo i Roma (vlerësuar 40 milionë euro), Chiesa (50 milionë), genoani Romero (20 milionë) e talenti i Brescia Tonali (20 milionë). Lojtarë të rëndësishëm, të cilëve i shtohen të rinj të prespektivës si Szoboszlai e Zennaro: i pari është një mesfushor hungarez datëlindja 2000 i Salsburg e, për të, Paratici mendon për një huazim me të drejtën e blerjes për 10 milionë; tjetri, po 18 vjec është mesfushor ofensiv i Venezia që vlerësohet 3 milionë.
Objektivi i madh është Milinkovic-Savic, shkruar poshtë emrit të Pjanic: vetëm se në fletë është shkruar Savic e mund të flitet edhe për mbrojtësin e Atletico Madrid, por pozicionimi me Pjanic të lë të kuptosh se është serbi i Lazios. Natyrisht duhet vërtetuar se nuk ka asnjë të dhënë që fleta është përpiluar nga Drejtori Sportiv i Juventus.
