Deputetë të PD-së janë mbledhur në kanionin e Holtës ditën e sotme për të kundërshtuar ndërtimin e HEC-it.
Qytetarë të zonës i janë bashkuar gjithashtu atyre për të kundërshtuar me forcë masakrimin e natyrës.
I pranishëm në protestë, kreu i Departamentit për Turizmin në PD, Jamarbër Malltezi tha se qeveria po mashtron qytetarët, ndërsa thotë se HEC-i mbi Holtë është pezulluar, pasi sipas tij vendimi i këshillit kombëtar të territorit është në fuqi me firmë dhe vulë nga Edi Rama. Malltezi komentoi gjithashtu edhe takimin e ministrave me banorët e zonës.
“Qeveria ka sjellë dje 50 karrige dhe dhjetëra zyrtarë qe ka bërë gjoja si diskutim që ERTV e shfaqi sot paradite sikur ishte LIVE. Në fakt ishte i djeshmi se aty nuk kap as vala telefonit. E mbajti 24 orë edhe ta qethte kronikën nga folësit e padëshiruar.Dje kanë mashtruar qytetarët se ju kanë thënë që e kanë bllokuar POR në fakt vendimi i këshillit kombëtar të territorit është në fuqi me firmë dhe vulë nga Edi Rama, Damiani dhe drejtoresha e planifikimit të territorit prandaj deklarata me goje e kuklles se edvinit eshte propagande boshe. Nderkaq ne zone eshte betonuar mu buze kanionit” – u shpreh Malltezi.
Ndërkohë në një status në rrjetet sociale deputeti i PD, Endri Hasa ndërsa ka publikuar foto të protestës si edhe video mbi punimet për HEC-in, shkruan se shtrati pranë kanionit është shkatërruar. Ai i bën apel qytetarëve të Gramshit dhe mbarë Shqipërisë që të mos lejojnë që shkatërrimi të vijojë.
https://www.youtube.com/watch?v=SFNIgg4StFg
https://www.facebook.com/endrihasa.al/videos/2131706186868164/
