Presidenti i Kosovës, Hashim Thaçi është shprehur se Forumi Ekonomik i Davosit është takuar me Komisionerin për zgjerim, Johannes Hahn, duke dalë në konkluzionin se Kosova i ka plotësuar kriteret dhe standardet për heqjen e vizave nga BE.
Thaçi ka shtuar dhe se disa shtete anëtare të BE-së, në qershor do të vendosin për liberalizimin e vizave për Kosovën.
“Forumi Ekonomik i Davosit është një mundësi e jashtëzakonshme për të gjitha vendet dhe gjithë liderët që marrin pjesë për t’i mbështetë vendet e tyre. Pos asaj, përfaqësimi i Kosovës është në suazat e pjesëmarrjes në këto angazhime të liderëve botërorë, të shteteve më të fuqishme të botës. Andaj për ne si shtet i ri, i mundësive të mëdha, ishte një rast unik për t’u takuar me liderë të ndryshëm të botës për të paraqitur të arriturat e Kosovës, mundësitë e shtetit tonë, në veçanti të komunikimeve tona me diplomatë të botës. Forumi ekonomik këtu në Davos është forumi më i fuqishëm në botë dhe unë ndihem tepër mirë që shtetet e ndryshme e respektojnë dhe nderojnë Kosovën”, tha Thaçi.
