Teatri “Skampa” i Elbasanit është ndërtuar në vitin 1935 dhe sot është totalisht i amortizuar.
Gjendja fizike e godinës është e rrënuar dhe për artistët është tepër e vështirë të zhvillojnë shfaqje në këto kushte.
Për spektatorët është e vështirë gjithashtu të ndjekin shfaqjet në mes të ftohtit dhe lagështirës. Rikonstruksioni i godinës shihet si emergjencë.
Këshilli Bashkiak i Elbasanit miratoi projektin për rikonstruksionin e teatrit, i cili është parashikuar në tre faza: rikonstruksion të ambienteve, sistemi i ngrohjes dhe fasada. Për drejtorin e teatrit, ndërhyrja duhet bërë sa më parë të jetë e mundur.
Teatri Skampa ka nevojë për vendosjen e izolimit akustik në sallën e orkestrës dhe baletit pasi pengon kryerjen e aktiviteteve të artistëve.
