2019 e futbollit kombëtar nuk ka nisur mirë për Kukësin, që pas provave pozitive në miqësoret e Turqisë, është thyer në ndeshjen e parë të Kupës së Shqipërisë, ëprballë Apolonisë. Një shkundje pikërisht përpara startit të kampionatit, në sfidën kundër Lacit, që ashtu si e thekson tekniku, Armando Cungu, në konferencën për shtyp ka ardhur në momentin më të mirë…
"Humbja ndaj Apolonisë ishte një “shuplakë” e mirë për ne për të na kthyer me këmbë në tokë - tha Cungu -. Duhet të kuptohet që futbolli luhet me ushtarë dhe si të tillë duhet të sillemi në fushën e lojës. Ndeshja ndaj Laçit do të ketë seriozitetin dhe impenjimin maksimal, pasi dihen objektivat e skuadrës sonë në raport me kampionatin dhe Kupën e Shqipërisë".
Interesimi më i madh është për debutimin e dyshes Vasil Shkurtaj e Eduard Rroca, të ardhur nga Luftëtarit, por tekniku shkodran kërkon ti ulë me këmbë në tokë, duke i kujtuar se tani janë në një realitet krejt tjetër, me përgjegjësi më të mëdha.
“Futbollistët të cilët i janë bashkuar skuadrës ditët e fundit janë lojtarë me kualitet – tha Cungu -, të cilët kanë kontribuuar në klubet nga të cilat vijnë. Vetëm se duhet të kuptojnë se këtu është një realitet i ri, që kërkon shumë përgjegjësi”.
Chafik Tigroudja vazhdon të jetë problem i madh për Blutë dhe mesfushorit me pasaportë franceze i nevojitet një ndërhyrje kirurgjikale, që praktikisht do ti mbyllte sezonin. Cungu vlerëson kualitetet e Chafik, ndërsa ngushëllohet me Rrocën, një që mund të luajë në të njëjtin pozicion.
“Cilësitë e futbollistit Shafik nuk janë vënë kurrë në dyshim – pranoi tekniku shkodran -, pasi është një mesfushor me shumë potencial. Është në bisedime, kërkohet operim. Kam biseduar me të dhe ia kam dhënë idetë e mia. Do doja të bënte ndërhyrjen dhe të jetë gati në verë. Do humbte kontratën nëse do e shtynte”.
Kukësi, që ndeshjet e shtëpisë do ti luajë të gjitha në Kamëz, rinis kampionatin me objektivin për të rikuperuar 3 pikërt që e ndajnë nga Partizani kryesues.
