Autioriteti i Konkurencës ka reaguar ditën e sotme në lidhje me dyfishim e thuajse të gjithë çmimeve në klinikat dentare. Informacioni për rritjen e këtyre çmimeve u bë publik pas Asamblesë Kombëtare të Urdhërit të Stomatologut.
Autoriteti i Konkurencës në një njoftim për shtyp është shprehur se do të ketë një vlerësim në lidhje me këtë vendim dhe në ditët në vijim do të tregojë nëse akti normative bie në kundërshtim me ligjin.
"Sipas listës së publikuar, Urdhri i Stomatologut ka vendosur çmime dysheme për një kategori të caktuar shërbimesh dentare për: Terapinë, Ortopedinë, Kirurgjinë dhe Ortodoncinë. Autoriteti i Konkurrencës, i cili ka si mision mbrojtjen e konkurrencës së lirë dhe efektive në treg, në bazë të nenit 69 të ligjit nr. 9121/2003 “Për mbrojtjen e Konkurrencës”, i ndryshuar vlerëson shkallën e kufizimit ose të pengimit të konkurrencës të çdo projekt-akti normativ që, në mënyrë të veçantë, ka të bëjë me: a) kufizimet sasiore për hyrjen në treg dhe tregtimin; b) vendosjen e të drejtave ekskluzive ose të të drejtave të veçanta, në zona të caktuara, për ndërmarrje ose për produkte të caktuara; c) imponimin e praktikave të njëjta në çmime dhe kushtet e shitjes. Për sa më sipër Autoriteti i Konkurrencës do të vlerësojë këtë akt normativ dhe do të shprehet me vendimmarrje nga ana e Komisionit të Konkurrencës nëse ky akt bie në kundërshtim ligjin nr. 9121/2003", thuhet në deklaratën e Autoritetit të Konkurrencës.
Prej raporteve të bëra, sa i takon vëmendjes që i kushtojnë shqiptarët kujdesit të dhëmbëve, rezulton se ata nuk kanë mundësi financiare për të marrë shërbimet e nevojshme. Me rritjen e çmimeve, kujdesi për dhëmbët pritet të bie edhe më shumë.
