Duket se fiksimet për personazhet publikë tashmë po kalojnë cdo pritshmëri. Tani nuk është më vetëm një pëlqim por është kthyer në një fiksim të tepërt dhe dëshirë për tu dukur si ato dhe në fytyrë madje. Një djalë ka shpenzuar 30 mijë dollarë dhe që nga mosha 16-vjecare ai i është nënshtruar operacioneve plastike vetëm për tu dukur fiks si ylli i popit Michael Jackson. Leo Blanco nga Buenos Aires, Argjentina, performon si legjendari ‘Mbreti i Popit’ dhe është i fiksuar që të duket identik si ai. 22-vjeçari u fiksua me këngëtarin kur ishte fëmijë dhe vendosi të dukej si ‘heroi’ i tij. Pavarësisht se ka bërë 11 operacione plastike ai thotë që akoma nuk është i kënaqur me pamjen dhe do të vazhdojë më operacionet derisa të behet identik si Michael Jackson. Ai gjithashtu performon në rrugë si Michael dhe thotë se ka tërhequr shumë fansa me pamjen e tij.
