Kryeministri Edi Rama së bashku me ministren e Shëndetësisë, Ogerta Manastirliu, kanë shkuar në spitalin e Elbasanit për të vërejtur nga afër ndryshimet që po bëhen aty.
Në takimin me mjekë e infermierë, Rama shprehu dhe shqetësimin e tij në lidhje me vizitat pa orare të familjarëve në spitale. Ai ka vijuar duke përdorur dhe ironi në lidhje me këtë shqetësim: “Spitali duhet të jetë një territor ku vihet për t’u kuruar, e jo për të bërë krushqi “, është shprehur Rama.
“Gjithë sfida tani është të dalë populli nga spitali në kuptimin që spitalet janë për pacientët, të vijnë pacientët me qetësi, me rregull, të ketë orar vizitash për familjarët, por nuk mundet dot të jetë spitali pikë grumbullimi i gjithë dynjasë. Duhet të jetë një territor ku vithet për tu kuruar e jo për të bërë krushqi”,- tha kryeministri.Më tej ai shtoi: “Këtu ishte një llahtar, tani ka marrë formë nga gjithë rehabilitimi që po bëhet, por duhet edhe një rregull i brendshëm që të mos jetë si rrugë kalimi hyr dhe dil”.
