Me protesta prej banorëve të fshatit Sheper në Zagori janë pritur përfaqësuesit e kompanisë së naftës SHELL. Kjo kompani pritet të nisë kërkimet për naftë pranë kësaj zone.
Banorët dhe kryetari i shoqatës së këtij fshati kanë deklaruar se përmes këtyre ndërhyrjeve për naftë po tentohet të dëmtohet parku Kombëtar i Zagorisë.
Kryeministri Rama është përfshirë gjithashtu në këtë debat. Përmes një posimi në rrjetet sociale ai është shprehur se Parku Kombëtar nuk mund të preket prej heceve apo guroreve e as nga shpimet për naftë.
Përfaqësues të kompanisë SHELL, kishin shkuar në Sheper për të mbajtur një dëgjesë publike në lidhje me projektin e studimit të nëntokës në bllokun 4, ku kjo kompani do të kërkojë për rezerva nafte.
