Presidenti Ilir Meta i është përgjigjur gjatë kritikave të bëra nga përfaqësues të lartë të mazhorancës për emrin e Bahri Shaqirit që ai propozoi për në krye të Kontrollit të Lartë të Shtetit. I pyetur nga gazetarët Meta deklaroi se propozimi i emrit të këshilltarit të tij, ka qenë i udhëhequr nga Kushtetuta.
“Kushtetuta, interesi kombëtar dhe interesi publik janë të vetmet që më udhëheqin në veprimet e mia dhe në aktet e mia”- u shpreh Meta. Sipas Taulant Ballës, Ulsi Manjës dhe Elisa Spiropalit, Kushtetuta e përcakton qartë se kandidati për Kontrollin e Lartë të Shtetit duhet të ketë eksperiencë në fushën e financave që Shaqiri nuk e ka.
