Tre grabitje kanë ndodhur në Korçë brenda pak orësh. Një prej bizneseve të grabitura është një fabrikë e prodhimit të letrave, që ndodhet në dalje të qytetit.
Prej kasafortës së këtij biznesi, autorët kanë marrë një sasi të konsiderueshme parash.
Kasaforta ndodhej në një prej zyrave në katin e dytë të fabrikës, e cila ruhej me roje. Biznesi i dytë i grabitur, i cili shiste hidrosanitare ndodhej në aksin rrugor Korçë-Dishnicë.
Gjatë natës në fshatin Bulgarec është grabitur dhe një banesë e një biznes. Bëhet fjalë për një furrë buke, nga ku autorët kanë marrë një sasi parash.
“Më datë 23.01.2019, gjatë natës, në fshatin Bulgarec, Korçë, në banesën dhe biznesin privat (furrë buke) të një shtetasi persona të paidentifikuar dyshohet se kanë vjedhur një sasi parash.
Gjithashtu në aksin rrugor Korçë-Dishnicë, gjatë natës në dy biznese private dyshohet se janë marrë sasi lekësh. Po punohet për identifikimin dhe kapjen e autorëve, si edhe zbardhjen e plotë të rrethanave të ngjarjeve”, njofton policia.
Ndërkohë mësohet se autorët tek furra e bukës kanë vjedhur 4 milionë të vjetra. Tek fabrika e letrave, 1 milion lekë të vjetra, ndërsa tek biznesi i hidro sanitareve kanë vjedhur 30 mijë lekë të reja.
