Vjen reagimi i avokatit të Aleko Petros, gjatë kohës që pritet përgjigja e rezultateve të ADN-së për të vërtetuar nëse Angelina Petro është dhunuar seksualisht nga i ati.
Avokati grek, Vassilis Noulezas është shprehur se nëse rezultatet e analizave mjeko-ligjore vërtetojnë se 29-vjeçarja është përdhunuar prej të atit, ai do të heqë dorë nga çështja.
“Nëse rezultatet e analizave nga mjekët ligjorë vërtetojnë përdhunim apo dhunë seksuale nga i ati, do jap dorëheqjen menjëherë”, mësohet të jetë shprehur avokati në mediat greke.
Mes të tjerash mediat greke raportojnë se vrasësi deklaroi se do i përkushtohej Zotit, pasi i ishin errësuar sytë kur kishte kryer krimin makabër. Po ashtu ai theksoi se vrasjen e kishte kryer pa paramendim dhe se nuk kërkon mëshirë.
