Ajo adoptoi një qenush të vogël të racës Terrier Maltes të quajtur Oscar pak para Krishtlindjeve me bashkëshortin Justin Bieber.
Por Hailey Baldwin -e cila ka filluar të përdorë mbiemrin e bashkëshortit në mediat sociale – u kritikua pasi publikoi një video ku shihej duke tundur e shkundur qenin në Instagram.
Modelja 22-vjeçare publikoi videon me mbishkrimin “Mos u shqetësoni, atij i pëlqen”.
Por videoja pati efektin e kundërt te fansat të cilët mendojnë se tundja e qenit në atë mënyrë, nuk është aspak korrekte.
“O Zot, çfarë dreqin po i bën qenit. O Zot sa budallaqe!”“Qeni nuk është lodër Hails”.
“Mjaft abuzove me të”, shkruante një tjetër.
Dyshja e ka pasur qenin që para Krishtlindjeve dhe çifti duket shumë i dhënë pas tij. Hailey madje e quajti atë ‘fëmija im i Krishtlindjeve’.
Hailey dhe Justin u fejuan në korrik të vitit të kaluar dhe u martuan në një ceremoni të fshehtë në New York në shtator.
Ata po planifikojnë një tjetër ceremoni këtë pranverë që shpresojmë të mos jetë aq e fshehtë sa e para.
