Lulzim Basha në fjalën e sotme në parlament ka sfiduar drejtpërdrejt shikuesit duke u kthyer nga podiumi i qeverisë dhe duke treguar me dorë ministret e reja të Kulturës, Financave dhe Ekonomisë dhe Arsimit. Kush i njeh? Kush i di emrat e tyre? Po pyes qytetarët madje dhe socialistët a i keni dëgjuar ndonjëherë më parë? Për çfarë meritash u bënë ministr, cili është kontributi i tyre për vendin?
Basha e ka përsëritur disa herë këtë truk që tërhiqte vëmendjen mbi anonimatin e ministreve të reja për të nxjerrë konkluzionin: Ato janë kukullat e kryeministrit që do përdoren për të hedhur çdo firmë që do Rama ka thënë kreu i opozitës.
Kjo me sa duket është strategjia e re e dyshes PD- LSI: denoncimi i njerzve pa karrierë dhe pa kontribute, sepse të njëjtin refren përsëriti edhe Monika Kryemadhi, e cila si një ish socialiste shprehu keqardhjn e saj për ditën ku ka përfundur ish partia ku ajo nisi karierën politike.
Menjëherë pas kësaj fjale Rama e mori fjalën për të mbrojtur ministret e reja "me integritet" duke pretenduar se ardhjet e fundit janë pjesë e traditës së PS me njerëz që vijnë nga grupime të ndryshme shoqërore. "Unë jam shembulli i kësaj aftësie të Partisë Socialiste" tha ai.
©Lapsi.al
