Rodrigo Alves, i njohur ndryshe si “Kukulla Ken Njeri”, i është nënshtruar një tjetër ndërhyrje kirurgjikale, këtë rradhë për të hequr një mase fibroze nga fytyra e tij. Në fakt ai nuk e kishte në plan ti nënshtrohej proçedurës së vështirë prej 5 orësh, por kur ka vizituar doktorin që e ndjek për një konsultë rutinë, pasi po mendonte të bënte një operacion për të ngritur mollëzat dhe buzët, ka zbuluar që duhet të hiqte mbi 200 fije nga fytyra (nga ato të qepjes).Këto fije i shkaktonin atij dhimbje dhe shpesh herë fytyra e Alves dukej sikur kishte disa gunga. Besohet se këto fije kishin mbetur në lëkurë, nga ndërhyrjet e mëparshme kirurgjikale për tërheqjen e fytyrës.
