Një 20-vjeçar shqiptar u arrestua në Raguza të Italisë pasi akuzohet për grabitje banesash dhe biznesesh të të gjitha llojeve.
Policia ndoqi për më shumë se një muaj aktivitetet e paligjshme të Arxhens Zykollarit, nga palestrat, restorantet, marketet apo dhe Tobaccot.
Zykollari qarkullonte me një skuter gjatë natës dhe që bënte xhiro patrullimi. Në momentin kur nuk kishte njeri, ai përdorte nëj levë dhe hynte e plaçkiste mallarat që mund t’i transportonte lehtësisht. Kur objektet ishin më të mëdha sesa mund t’i mbante, i fshihte afër vendit të krimit dhe shkonte më vonë për t’i marrë.
Por në njërën prej vjedhjeje, ai kishte lënë gjurmë, që u kapën nga Policia Shkencore. Kjo u bë arsyeja për arrestimin e të riut shqiptar.
