Ish-ministri teknik i drejtësisë Gazmend Bardhi do të jetë tashmë numri “2” në Partinë Demokratike pasi ai fitoi në garën për Sekretar të Përgjithshëm të zhvilluar në Këshillin Kombëtar.
Bardhi mori 277 vota ndërsa rivali i tij Dorian Teliti vetëm 44 vota dhe 7 vota ishin të pavlefshme. Pas shpalljes së rezultatit të dy kanë postuar një foto për të treguar se mes tyre nuk kishte asgjë personale.
“Kënaqësi të garosh me një shok, koleg dhe patriot. Nga çdo garë brenda familjes sonë politike, ajo që fiton është Partia Demokratike. Suksese Gaz në detyrën e Sekretarit të Përgjithshëm” – shkroi Teliti në rrjetet sociale.
