Pedagogët e fakultetit Histori-Filologji do të nisin grevën në datën 21 Janar. Në vendimin unanim të marrë këtë të premte në mbledhjen e asamblesë, pedagogët përveçse mbështetën tërësisht kërkesat e studentëve, kërkuan prej qeverisë edhe rënien e Ligjit për Arsimin e Lartë.
Vendimet e marra prej Këshillit të Ministrave, sipas pedagogëve cënojnë autonominë e Universiteteve.
Bojkoti ka vijuar ditën e sotme në fakultetin Ekonomik, Politeknik, te Inxhinieria e Ndërtimit si dhe në Fakultetin e Shkencave Sociale.
Në dy grupime janë ndarë studentët e fakultetit Juridik, ku disa kërkojnë bojkotin dhe të tjerë duan vazhdimin e mësimit.
